Bjørgvin Marknad

Kommande helg på Hordamuseet!

No til helga er det dags for marknad på Hordamuseet på Stend igjen. Den årlege viking- og middelaldermarknaden arrangert av ildsjeler i miljøet har noko å få med seg for heile familien. Der er vikingar frå store delar av europa, mest skandinavia, som kjem for å selge varene sine, utøve handverk, slåss eller bare slappe av rundt eit bål med likesinna. 

Av publikumsaktivitetar fristast det med blant anna vikingmat, bueskyting, lære å slåss på vikingvis, møte ein vikingsmed, høre på runeforedrag og ridng på islandshest. 

  

Om du er i området eller vurderar å være i området anbefalast dette arrangementet. Her er lenke til Bjørgvin Marknad sine sider, men oversikt og vegbeskriving. 

Vi i Bjørgvin Handverkslag vil være på plass og demonstrere ei rekke handverk; vi har plantefarging, skomaker, buemaker, brikkevev, hornskeier, syarbeid, smed og trearbeid. I tillegg til salg av diverse handlaga produkt. 

Vi vil ha vår lille sone der vi vil ha bål og demonstrering, samt salgsbod. Kom gjerne innom for ein prat!

Eg har ikkje veldig mange bilder å leggje ut her no, men legg ved dette som er ein liten del av vår førebuing. Vi skal jo lage maaaaaat!

Eg tok veldig få bilder (atter ein gang), men her er eit eg syns blei bra. Beskriving på Instagram.

Vevsverd

Det første vevsverdet var for kunde, og sidan eg hadde ein del eik igjen tok eg like godt og laga eit til.  Det her blei noko kortare, ca 85cm, men ellers veldig likt proporsjonsmessig.

Eg tok nokre bilder undervegs, så om nokon skulle finne på å lage seg eit slikt, er det bare å sjå her. 

Det første vevsverdet er 100cm, det her blir litt kortare.

Nest siste steg er pynten.

Legg til bildetekst

Dei som ikkje har treskjærerjern
brukar kniv.

Ei lita krukke med uvisst innhald.
Men det lukta ikkje ekkelt. 

Siste steg er oljing. Mmmmmmm,
linolje.

Smidde isbroddar i jern

Fortidsfamilien har eit nytt prosjekt på gang, og eg får være med! 

Den her gangen er det snakk om å kunne fote seg på nokonlunde skapeleg vis på glatta, iført sko frå vikingtid. Som Espen lagar sjølv, sjølvsalgt.
Ei veldig kjekk oppgåve!

Bål-kit

Handsydd skinnpung med eldstål, flint, bjørkenever og knusk.

Dette har vore ein plan temmeleg lenge. Endeleg, no når eg har fått tak i ordentlig stål, får eg realisert planen: eit alt-i-eitt-bål-sett der eg har laga alt for hand. 

Det skal siast, dette skinnet har eg ikkje garva sjølv. Om eg skulle brukt sjølvgarva skinn til dette ville kvart sett kosta over 1000-lappen. Enkelte av dykk ville nok satt pris på alt arbeidet som var lagt ned i det og vert villig til å betale for det (noko eg KAN gjere, men kun på bestilling og betaling på forhånd), men dei aller fleste er ute etter noko som er litt meir overkommelig i pris. 

Ellers er pungen handsydd med lintråd, eldstålet handsmidd, flinten handknust, neveren er no never, og knusken laga på askelut, som seg hør og bør. 

I mi bok er dette stas. 

Rett og fint.

Sydd på vranga. Vrangsydd heiter det sikkert.

Lær-reim i elgskinn

Eit flott slik redigert bilde frå instagram'en min

Eg vurderer å bytte ut knusken med forkulla lin. Har ikkje bestemt meg heilt enno.
I tillegg kan det hende det blir valgfritt skinn for kundane etter kvart. Elg-, sel- eller reinsdyrskinn.

Eldstål og jernalderkniv

Ein leirskole vil ha historiske verktøy

Eg fekk forespurnad om eg kan levere to eldstål og ein heilstål jernalderkniv ganske kjapt, så eg heiv meg rundt. Det stået eg tidlegare har brukt til å smi fyrtøy av har mellom 0,6 og 0,7% karbon, så det er ikkje lett å treffe skikkelig på herdetemperaturen. Med så lite karbon må temperaturen være høg.
   Det blei bestilt stål. Eg bestilte stål med 1,25% karbon, hardt som... som... eh, skikkelig hardt stål å hamre på, men steik kor bra eldstål det blir! Vi snkkar stjerneskudd og fyrverkeri. Omtrent.

Uansett: sånn ser dei ut. Må sjåast i levande live. Så til alle dykk som har tidlegare har uttrykt ønske om eldstål som faktisk fungerer: no er eg klar. Gi meg ein lyd, for desse er gode.

Jernalderkniv, stutt og brei type

Mandag 08.09 snakka eg med ein triveleg dansk smed som var med på BM. Fekk ikkje snakka mykje med han under arrangementet, så vi tok ein liten prat i det stille, uten folk og fe som kunne forstyrre. Han viste ein jernalderkniv han hadde laga til sin fru, med litt anna form enn det eg har for vane å lage, så eg blei litt inspirert.
Denne er laga i eitt stykke fjærstål, bilmerke uvisst.

Slik blei den.

Bjørgvin Marknad 2015

Bjørgvin Marknad er tradisjonen tro avholdt på Hordamuseet, med mykje liv og leven for store og små barn. Vi i Handverkslaget laga eiga lita leir der vi viste fram handverksteknikkar frå vikingtid og middelalder og hadde litt varer til salgs. Til dømes tidsriktige skinnsko, luer, brikkeband, og diverse nålebundne plagg.
Eg stod i smia og koste meg. Formidling i fokus, så produksjon måtte vike ein del. Men det er heilt greit når publikum er interessert og spør vetuge spørsmål, som dei gjorde no i helga. (Eks: 5 år gammal sjenert jente: "Har du kjæreste?" Og 2 min seinare, etter at eg hamra bittelitt til: "Ka hetar du? Er du fattig?".)
Mora rødma litt og dei trekk seg rolig og relativt kontrollert ut av smia.

Bilde av leir/område før marknad

Eg vil forresten sende ein stor takk til Bjørn og Stig som passa på at eg fekk i meg væske medan eg sto i smia. Eg glømma bl.a. å drikke og ete når eg ikkje har faste tidspunkt å forholde meg til når eg smir, ser du.
Og mange takk til Bjørn igjen for kjempeoverrasking midt i smisession med publikum på alle kantar. Blei monsterglad.

Ellers gjekk helga ut på å prøve å få i seg mest mulig mat og drikke. (Eg skal ikkje skryte på meg at eg er flink å huske på sånt.) Som sagt hadde Handverkslaget eiga leir, og dette var enormt triveleg. Vi laga mat, hadde bålkos og god stemning. Ein ekstra takk til alle som kom innom og satt med oss. Eg har nevnt det før, men kan si det igjen; eg er dååååårlig på å dra fram mobilen for å ta bilder. Men eg legg ut det eg har, og vil leggje ut litt på dette innlegget etter kvart som eg får tak i fleire bilder som er aktuelle.

Som sagt var ikkje produksjon i fokus, men litt blei no gjort likavel:

-Fredag: 2 gaflar til Annhja + kappenål og litt arbeid på jernaldersverdet.

-Laurdag: verktøy til Ole Mikal som laga glassperler, litt småting som brosjenåler og spiker.

-Søndag: Ferdigstilling av x antall kappenåler og brosjer og eit par hengslar til kiste.

Vikingtidskniv i heilstål til Vårinn

Ho ønska seg kniv til bursdagen som er no 19.05, og med konkrete ønsker er det lettast for meg å innfri. Spikkekniv/turkniv har ho frå før, så her får ho ein historisk retta brukskniv.

Ikkje del av dette prosjektet, men eg likte det så godt.

Slire er neste steg. 

Mulig eg kjem på å legge ut bilde av slira. Skal iallefall prøve.

Hepp!

Små kappespenner i jern

Desse blir òg lagt ut på 'Salg/bytte'.

Kappast ca like lange 

Vri litt,for det lika folk

Jah, bøyast ca jevnt.

Gjenta til nøgd 

Smi nål og bank den på. Tadaaa. 

Torshamrar i jern. For salg/byte.

Her rett før jul fann eg ein skraphandler vest for Flesland der dei hadde jern i OK dimensjonar. Eg shoppa for 300.- og kjørte derifrå med 30 kg jern. Den minste dimensjonen viser seg å være heilt kurant å smi små torshamrar av. Desse blir laga for salg sia marknads-sesongen nærmer seg med (bokstaveleg talt) stormskritt.

Eg fekk med meg Bjørn i smia og vi hadde fokus på torshamrar. Så fekk eg jammen meg øvd meg på å vise og forklare og. Flaks at Bjørn er oppegåande nok og har tatt i ein hammar før. Han klarte seg bra.
Eg skal iallefall smi nok til å ha eit lite opplag til marknads-sesongen startar. Så mange eg får tid til, er vel meir korrekt.

Her er dagens spede begynnelse:

Den til høgre er Bjørn sin. Han skal file og lage shiny. 

Idag (10.03.) fekk eg tid til å lage to til på handverkstreff. Desse er litt mindre enn dei forrige. Det er fleire som har spurt etter mindre og nettare torshamrar, så det blir fleire i denne størrelsen som blir for salg/bytte.

Ny smidag idag (16.03), og her er eine hammaren eg smidde. Veldig nøgd med den her òg. Prøvde meg på ein ny variant i anhenget. Eller ka det heite... Den biten som tingen henge fra. Du skjønna, ja. Flott, det.

Syns bare bildet blei tøft. 

Denne er ikkje lenger "på lager".

Her er eit lite utvalg samla: