Handsmidd vevkniv

Eit flott bytteprosjekt på gang!

Ei venninne som er i toppsjiktet når det kjem til brikkevev bestilte ein vevkniv med litt meir vekt i enn den ho hittil har brukt. Vi blei enige om at sjølve bladet skulle være stål, og at kniven ellers skulle lagast som ein vanleg kniv. Dvs med gøymd tange og treskaft. 

Som sagt, så gjort!

Her er den forrige vevkniven, i furu (tror eg).

Og slik er den nye; handsmidd, uskarp/butt egg, skjult tange, skaft i tre. Litt usikker på treslaget for å være ærlig, men det er løvtre, relativt hardt og med djup oransjeraud farge etter oljing. (Kjem kanskje ikkje så godt fram i innelyset på bildene.)

Spikking av skaftet, og før linolje

Etter første lag med olje.

Tre lag linolje og mykje liv i treet

Sjekk ut Randi Stoltz si heimeside!
Utrolig mykje godt handverk! 

Jernalder-slirekniv/spikkekniv

Enkel, robust og allsidig laminert slirekniv med skaft i eik.

Vi treng ein kniv som kan brukast til alt frå matlaging til spikking av teltpluggar, så eg funderte litt, leita litt, og fann eit knivblad eg smidde heilt i begynnelsen mi smi"karriere". Skaftet var eit som var tiltenkt ein annan kniv, der eg ombestemte meg i siste liten. Skaftet er godt dèt, men det passa ikkje på kniven det var tiltenkt. 

Her er eit par bilder av kniven før sliping av blad og oljing av skaft:

Skaftet er eik, og bladet er laminert med eggstål i midten. Bladet skal slipast ned til å bli spissare og meir spikke-vennlig. 

Fleire bilder kjem!

Eldstål og jernalderkniv

Ein leirskole vil ha historiske verktøy

Eg fekk forespurnad om eg kan levere to eldstål og ein heilstål jernalderkniv ganske kjapt, så eg heiv meg rundt. Det stået eg tidlegare har brukt til å smi fyrtøy av har mellom 0,6 og 0,7% karbon, så det er ikkje lett å treffe skikkelig på herdetemperaturen. Med så lite karbon må temperaturen være høg.
   Det blei bestilt stål. Eg bestilte stål med 1,25% karbon, hardt som... som... eh, skikkelig hardt stål å hamre på, men steik kor bra eldstål det blir! Vi snkkar stjerneskudd og fyrverkeri. Omtrent.

Uansett: sånn ser dei ut. Må sjåast i levande live. Så til alle dykk som har tidlegare har uttrykt ønske om eldstål som faktisk fungerer: no er eg klar. Gi meg ein lyd, for desse er gode.

Jernalderkniv, heilstål, med slire

Sying av slire

Eg har smidd ein GOD del slike jernalderknivar oppigjennom dei få åra eg har holdt på, men ikkje alle kjem så langt som å få slire. 

Eg har tatt eit par bilder for å vise litt korleis eg gjør. Ikkje så lett å huske på å ta bilder, men men. 

Læret var i overkant tjukt, så eg begynte med å tynne det

Sylen får kjørt seg

Eg syr alltid med salmakersting slik at kvart sting blir "låst"

Eg foretrekker å bruke lintråd

Slira blir bløyta og forma med provisorisk falsebein

Forma og farga

Gåvesett for kunde, smørekniv og skei x2

Eg fekk bestilling på eit gåvesett og sa sjølvsagt at klart det kan gjerast. Veldig kjekt å lage ting på bestilling.
Smøreknivane er av bjørk og skeiene er i selje. Veldig kjekt sløydarbeid, og enormt kjekt med bestillingjobb.

Knivane er ferdig olja.

Begynt utskjæring på eine skeia.

Ferdig med utskjæring, kun finpuss att.

Før og etter linolje (og Instagram-filter).

Surra dei ihop med senetråd. Innafor det, vel.

Produktet er levert til kunde. Mykje glede og slik tyder på at kunden vart nøgd. Og då er EG nøgd.
Hipp hurra. Og sånt. 😏

Ei bjørkeskei, med litt slik pene former

Ein må jo ta i bruk det ein har tilgjengeleg, så no har eg no hatt den her bjørkebiten liggjande ute sidan Hansadagane i Bergen, og tenkte at no kan være eit godt tidspunkt for å spikke litt på den.
Det viste seg at den godt kunne ha lagt lengre, men eg fekk no fram noko av fargeforskjellen som kjem ved surning.

Neste skei med den her forma skal ha litt nedoverbøy på skaftet

Eg skulle gjerne sett meir fargeforskjell og liv i treet, men no er ikkje skeia olja enno, så kanskje det dukker opp etter den er ferdig tørka og olja. Vi venter spent.

Og FORRESTEN! Neste innlegg er nummer 100, og det skal feirast. Legg igjen ein kommentar på NESTE INNLEGG og vær med i trekninga på ein Give Away! På norsk betyr det at EIN heldig person Loddtrekning frå hatt) får ein ting. Ein ting som eg har laga. Som blir vist i neste innlegg.

Eksperimentering med former på spiseskei

Eg bestemte meg for å prøve korleis hassel ville fungere til skeier (fordi eg hadde litt igjen frå eit tidlegare prosjekt). Det viste seg å sjå knallbra ut, sidan der er veldig definert og mørk kjerneved i treet. Slike blir det fleire av!

Nr 1 i hassel

Nr 2 i hassel

1 til høgre, 2 til venstre

"Slire"/ beskytter til skjekniv

Hau!

Denne kniven fekk eg utan noko form for beskytting for ei tid sidan, og den har til no vore så godt som ubrukt. Men så fann eg brått ut at eg skal øve meg på skeier og treskjæring og slikt, så då er det greit med skarpt verktøy.

Utgangspunktet. To veldig gode knivar og ein kloss.

Eg har sett eit par slirer til skeiknivar før, og det virkar som skinn ikkje heilt er tingen, då dei slitast fort ut. Så då fann eg ein liten kloss av furu som låg og slang, og begynte så smått å leggje ein plan. Der låg òg ei lita plate i eik, ca 4 mm tjukk, som eg òg nissa med meg.

Eg teikna omriss og bora ut 

Utskjæring 

Åhsåfintdenpassa, viss det e lov å si

Syns det blei eit OK bilde

Fekk ein idè og prøvde meg litt på pynting. Lov å prøve, si!

Det som manglar no er å bore hol til pluggane som lokket skal festast med og svinge på.

PS!
Eg vil uansett anbefale desse to knivane til alle som spikker litt og leikar seg med treskjæring/skeilaging. Dei er rimelege og veldig gode.
Her er lenke til ei farlig side for verktøynerdar: sloyd-detaljer

Kniv av jernbanenagl

Eg har sett utallige versjonar og variantar av desse, og har hatt lyst å prøve lenge. No i helga kom eg over ein bunke spiker. Sånne spiker:

Og idag begynte eg å hamre og prøve. Sånn blei første, ikkje herda eller slipt.

Eg prøver meg litt fram med diverse form og fasong

Jepp! Og fleire skal det bli! For salg og bytte. Etter kvart.

Jernalderkniv, stutt og brei type

Mandag 08.09 snakka eg med ein triveleg dansk smed som var med på BM. Fekk ikkje snakka mykje med han under arrangementet, så vi tok ein liten prat i det stille, uten folk og fe som kunne forstyrre. Han viste ein jernalderkniv han hadde laga til sin fru, med litt anna form enn det eg har for vane å lage, så eg blei litt inspirert.
Denne er laga i eitt stykke fjærstål, bilmerke uvisst.

Slik blei den.