Gåvesett for kunde, smørekniv og skei x2

Eg fekk bestilling på eit gåvesett og sa sjølvsagt at klart det kan gjerast. Veldig kjekt å lage ting på bestilling.
Smøreknivane er av bjørk og skeiene er i selje. Veldig kjekt sløydarbeid, og enormt kjekt med bestillingjobb.

Knivane er ferdig olja.

Begynt utskjæring på eine skeia.

Ferdig med utskjæring, kun finpuss att.

Før og etter linolje (og Instagram-filter).

Surra dei ihop med senetråd. Innafor det, vel.

Produktet er levert til kunde. Mykje glede og slik tyder på at kunden vart nøgd. Og då er EG nøgd.
Hipp hurra. Og sånt. 😏

INNLEGG #100! Smidd brus/øl-åpner

Første Give Away! 

(Dette er innlegg nr 100 av alle eg har laga, dvs eg har eit par utkast som ikkje er publisert enno, men det får no være.)

Slik blei ein tirsdag i smia brukt, og no er det på tide å vise litt takksemd til dykk som spør oppriktig interesserte spørsmål om kva eg lagar for tida og korleis det går. Så ein av desse går ut til ein superduper-ultraheldig vinner.

Åpnaren er testa og godkjent av eit særs kritisk testpanel beståande av undertegnande og svigerbror.
Det å åpne eigenprodusert øl med eigenprodusert åpner.... #denkjensla .

OK! Vi må ha nokre reglar!

-Skriv ein trivelig kommentar (eller bare 'ja takk') nedst på sida her og du er med i trekninga
-Det blir trekt EIN vinnar av ein slik åpner
-Vinnaren blir trekt 1.november
-Sender kun til Norge for denne Give Away'en
-Det blir god gammaldags loddtrekning frå hatt, så ikkje noko sånn ''nr 54 får premien''-greier.
-Hugs å oppgje mailadresse slik at ein kan få tak i kor pakken skal sendast!
-Vinner blir annonsert her og kontakta 1.nov.


Lykke til!

Då har vi trukke ein vinnar frå flosshatten! 
Gratulerar Eddie Jacobseeeeeeen! 

Ei bjørkeskei, med litt slik pene former

Ein må jo ta i bruk det ein har tilgjengeleg, så no har eg no hatt den her bjørkebiten liggjande ute sidan Hansadagane i Bergen, og tenkte at no kan være eit godt tidspunkt for å spikke litt på den.
Det viste seg at den godt kunne ha lagt lengre, men eg fekk no fram noko av fargeforskjellen som kjem ved surning.

Neste skei med den her forma skal ha litt nedoverbøy på skaftet

Eg skulle gjerne sett meir fargeforskjell og liv i treet, men no er ikkje skeia olja enno, så kanskje det dukker opp etter den er ferdig tørka og olja. Vi venter spent.

Og FORRESTEN! Neste innlegg er nummer 100, og det skal feirast. Legg igjen ein kommentar på NESTE INNLEGG og vær med i trekninga på ein Give Away! På norsk betyr det at EIN heldig person Loddtrekning frå hatt) får ein ting. Ein ting som eg har laga. Som blir vist i neste innlegg.

Eksperimentering med former på spiseskei

Eg bestemte meg for å prøve korleis hassel ville fungere til skeier (fordi eg hadde litt igjen frå eit tidlegare prosjekt). Det viste seg å sjå knallbra ut, sidan der er veldig definert og mørk kjerneved i treet. Slike blir det fleire av!

Nr 1 i hassel

Nr 2 i hassel

1 til høgre, 2 til venstre

Skaft til vestlandsk øks

Eg kjøpte eit Øyo øksehovud for ein billeg penge på ein bruktbutikk for ei tid sidan. Og så har eg no litt aske-emner liggande til tørk, som sikkert dei fleste har. Eg fann eit som virka lovande og spikka i vei. Eg spikka og spikka og spikka og så pussa eg litt før eg saga plass til kilen. Og så laga eg ein kile av eik, dunka på plass skaftet i økseauget og smalt i kilen. Skaftet blei grundig olja med linolje. Og brått hadde eg ei nygammal, godt balansert allbruksøks. Hurra!

Skeier i tre (bjørk, hegg, morell og plomme)

Jada! No er vi i gang igjen.


Litt bilder av progresjon og eksperimentering med form og funksjon. Veldig kjekt å prøve seg fram og feile litt her og der. Bratt læringskurve, men hel viti kor stas!

Skei nummer ein! Treslaget er hegg.

Nr to. Lita turskei i surna/spalta hegg

Nr tre. Spiseskei i einer/brakje

Nr fem. Teskei i hassel

Bjørk. Gåve til jubilant

ca 9 /10 av dei første skeiene eg spikka

Morelltre

Bjørk

Bursdagsgåve til frøken Dahl. Morelltre.

Veldig surna bjørk med mykje liv

Utstilling og salg på Hansadagane

Tools of the trade. Knivar frå Mora.

Rein og fin bjørk

God-øksa Hultafors Snekkerøks med sjølvsydd beskytter

Skei i plommetre

Ohoi, alle! Ei kjapp oppdatering.

Alt for lenge sida eg har prioritert blogging no. Har mange grunna og eit par unnskyldninger, men held meg for god til å ramse opp alle, sidan det er stort sett prioritering det står på. Om eg vil prioritere Netflix, så gjør eg det. Om eg vil buldre eller spikke istadenfor å skrive innlegg så gjør eg det. Om eg rett og slett ikkje har lyst... Då lar eg være. Og så går det i glømmeboka, då.

Men satsar på å prioritere litt meir her no framover. Jepp.

Kan begynne med dette:

Laga på Festningsdagene på Bergenhus. For salg.

Oppkjøringa mi til NM historisk bueskyting.

Serverings-skei av plommetre. Bursdagsgåve.

Eit innlegg om NM historisk bueskyting er i emning. Dette til info.

Spikking av treskeier

Lenge sida innlegg no, så eg får høyre på dykk som lurar på kva eg gjer på for tida..

Eg har begynt å spikke skeier. Gangen i det er ganske enkel: kubbe- øks - blyant - kniv - skeikniv = ferdig skei.

Eg lagar ikkje eit innlegg for kvar skei no, det blir for mykje for meg å gidde. Så eg gjør som følgjer; alle dei 4 første skeiene i det her innlegget. *nikkar nøgd*

OK, nummer 1 øvst og så stigande rekkefølge.

Her er nr 2:

Nr 3:

Nr 4:

Så langt har eg komt til no. Etter kvart blir det fleire skeier og forhåpentlig blir det reinare linjer og nærmare det eg ser føre meg.
ok, det var det for denne gang. God påske og hadet på badet!

Smidd fiskekrok

Jah!

Eg fekk ein forespurnad her for ei tid tilbake, om eg kunne smi ein relativt stor og massiv fiskekrok frå middelalder. Og det kan eg vel saktens. Alltid kjekt med nye prosjekt!

Arbeidsteikning frå Morten

Jah, ein liten skjermdump med Morten i hjørnet der. 

Morten sendte meg bilde av funnet (første bilde her), og så teikna han ei arbeidsteikning og ga meg mål på kroken.
Bilde nr to er av ein litt anna type krok, litt meir "moderne" utsjånad.

Det blei klart relativt tidleg at det ikkje var gunstig å bruke mjukt stål, så eg gjekk over til fjørstål. Fungerte som ei kule.