YouTube-link til artilleriskyting på Bergenhusdagane

Eg legg ut ein link her, sia det ikkje er eg som har tatt videoen. Eg meiner det er Lena frå Fortidsfamilien som har filma.

Pilregn på Bergenhusdagene 2014: Klikk her.

Fleire bilder og kanskje litt film er å finne. Kanskje på Bymuseet sine nettsider, Stig sin handverksblogg kan ha noko, evt bruk Google til det det er meint for.

Lykke til.

Bilde av nokre i laget på ei øving

S-krokar i jern

S-krokar går det mykje av, og i, på marknader rundtomkring. I tillegg treng eg eit par sjølv.
Så då var det bare å begynne.
(Bålstativ er neste prosjekt.)

Handverkslaget på Bergenhusdagane

Handverkslaget har tatt på seg å drive litt underhaldning under viking og middelaldermarknad/festival. Vi vil vise artilleriskyting med bue samt historiske pilspissar sin effekt på div beskyttelse.

Til artilleriskytinga har vi no ferdigstilt 100 piler. Dei skal lakkast neste tirsdag (02.09.), og så er dei "good to go".

Storstilt produskjon. Her limast fjær på pilskafta.

Ein liten del av ferdige piler.

Første prøveskyting. 75 meter.

Her er ein link til ein "Facebook-teaser" som Stein i Handverkslaget har laga. Kos dykk.

___________________________

Trebuchet:
I fjor bygde Bjørgvin Handverkslag trebuchet'en Magnus for å syne fram beleiringsteknikkar frå rundt 11-1200-tallet. Denne typen kastemaskin er laga for å kaste prosjektil som stein, jernkuler (og hodekål, mest sannsynleg som ein type tidleg nødhjelp i perioder med mykje hungersnød og pest... eller ikkje) over murane til motparten. Andre maskiner vart brukt når det var snakk om å knuse murane rundt ei borg eller ein by. No i helga, under Bergenhusdagane, kasta vi 20 hodekål 75-80 meter utover Koengen. Hadde vi vore 8 mannfolk til å trekke, i tillegg til å lade med nokre halvkilos jernkuler, ville vi kunne gjere det bra utriveleg i hin enden, og kasta prosjektila mykje lenger.

Den legendariske kastemaskina 'MAGNUS'.

MAGNUS, degradert til langbuestativ.

Artilleriskyting:
Etter 4-5 kast med Magnus, med litt hjelp frå små og store hjelpevillige frå publikum, stilte vi opp ei linje med 8 langbueskyttarar. Vi fyrte av garde 5 seriar med kommandoane: PIL - TREKK - HOLD - SLIPP, for så å skyte fritt "så langt lageret rakk". Vi skaut då på samme avstand som med Magnus. Markørar var sett ut til formålet, og målet var å ha ei stor samling piler rundt markøren på 76 meter.

Eg har diverre ingen bilder av skyttarlinja, då eg var med i den sjølv. Mogleg eg får tak i dette om litt.
Her er link til Lena (Fortidsfamilien) sin Youtube-kanal, der du kan finne små klipp frå helga: Trykk her.

Vi har i alle fall fått gode tilbakemeldinger på underhaldninga, både frå publikum og arrangør.

Gode ting!

Handtak til smed-kiste

Hengslar har eg smidd tidligare, no treng eg kun handtak på sidene. Desse smidde eg idag.
Dei ser nøyaktig slik ut:

Gåve til Sophia. Oppdatert.

Denne er laga på bestilling, på ein måte.
"På ein måte" -fordi den er eit resultat av behov framfor ønske.

Det skal seiast/skrivast at denne vart hamra til liv no i sommar, når det var +40 ute i sola. Kor mange grader det var inne i smia tør eg ikkje tippe på, men det gjekk med 2 liter vatn dei timane eg var der. Etter det bestemte eg meg for å vente til været var utholdeleg ute, før eg i det heile tatt skulle vurdere å hamre noko meir.
Uansett: kvar millimeter her har eg hamra på.
Bilder kjem når gåva er overrekt.

Nagler/spiker/søm

Sommarferien er no over, og sidan det har vore så usannsynleg heitt i juni og juli har eg stort sett holdt meg unna smia (med unntak av 5-6 timar ein dag i begynnelsen av juli).

Under BM (Bjørgvin Marknad) i år smidde eg meg eit spikerlo (bilde kjem om eg hugsar det), men har ikkje hatt/tatt tid til å øve på å bruke det før no (torsdag som var).
Det tok eit par (12) forsøk før eg vart nøgd med resultatet, men føler no det som gjenstår er å få ei uniform lengde på dei, og evt litt venare og beinare.

Mogleg eg legg ut serie av framgangsmåte seinare, om eg får med meg ein som kan ta bilder undervegs.
Slik såg det i alle fall ut:

Dei 3 første forsøka

Dagens "produksjon". Kun dei 4 til venstre er eg nøgd med.

Nye hammaren + plukketanga mi.

Spiker-lo. Enkelt og greit.

Smidd beltespenne

0,6 mm rundstål.

Varma opp til ca 200 grader og isatt med Linolje

Ferdig montert på beltet

Enkel slirekniv i vikingstil

 Det som gjenstår er å sy hempe på slira og slipe til eggen på kniven. 

Skal leggje til bilder omatte/vissatte eg huskar det.

Brygging av Indian Pale Ale, Batch #2

Stikkord: Supert vær, god stemning.

Søndag 08.06 var vi ein liten gjeng som hadde avtalt brygging av "Sommar-IPA". 

Vi kom litt seint igang, men det gjekk forsåvidt greit. Enkelte bilder her er beskrivande nok, men for min eigen del vil eg skrive litt her og der. Beer with me. 

Første førebuing unnagjort.

Oppkok av vatn til mesking

Einerlóg i botn, etter gammal radisjon.

Rista er på plass, vatn fyllast opp til ca 10 cm over rista.

Stein passar på at temperaturen ikkje er over 80 grader C.

Malta bygg hellast oppi meskekaret.

Vatn og korn. Blandast godt. 66 grader ifølge vår oppskrift.

Tapping av vørter og koking av meir vatn til mesking

Vørteren kokast opp. 

Restar frå mesking,

Ferdig brygg, her til avkjøling etter 3 rundar med humle.

Vel heime att (ca kl 2100) tilsat eg gjær i dunkane, sat på gjærlås og stua dei under trappa. Der skal dei stå no i omlag 2 veker (til dei har bluppa seg ferdig). Deretter blir det sukkerlake og flasking. Brått klar for sommar!

Oppdatering: onsdag 11.06.:
-Bluppinga har avtatt noko, men framleis stødige lydar frå begge gjæringskar.

Bjørgvin Marknad 2014

Då er BM over for i år, og alle er godt nøgd med marknaden. 20 grader, om ikkje meir, sval vind og god stemning.
Eg stod i smia stort sett heile tida så lenge der var publikum, så det med været har eg bare blitt fortalt. Omtrent heilt sant. Det var iallefall intenst varmt å stå og smi dei her dagane.

I tillegg til dei avbilda tinga her smidde eg eit spikerlo, to torshamrar, ein skrapekniv, ein s-krok, ein pilspiss og ordna nokre teltpluggar.

Her er bilder av eit par av tinga eg laga:

Kniven er herda og anløpt, slire skal syast.

Desse knivane er meint som enkle bordknivar, og skal filast og herdast.

Litt uvanleg form på bladet, men med surring av skinnsnor på skaftet blir det bra.