mandag 22. desember 2014

onsdag 10. desember 2014

Smitenger

Eg laga meg ei "plukktang" på Hjerleid, men vi treng litt fleire og brukarvennlege tenger i smia.
Eg hadde tid, lyst og energi og stål i går, så då var det ikkje noko å lure på. Det som tar tid er å rette ut bilfjærene, ellers er det relativt kjapt unnagjort. Så ja.. Eg hamra til to stk, det som gjenstår er å få i nagla og så tilpasse kjeftane.


1.


2. Vri 90 grader.


3. Siste hakket bak nagla.



4. Dore ut hòl og lage nagl.
Punkt 5 blir å feste delane med nagla.

Bilde kjem.















fredag 5. desember 2014

Bildeserie, framgangsmåte for eldstål - jernalder


Utgangspunkt: fjærstål

Hamrar til ein fat spiss frå midten og ut.

Samme på andre sida, så lik som mogleg.

Lage liten snurr på enden og bøye til.



Gløder opp stålet sakte for normalisering.

Normalisering og herding er gjort. Anløping gjenstår.
Og plutselig har vi eit eldstål. Ta-daa.













mandag 1. desember 2014

Eldstål

Det er mørkt og kjølig ute, og alle bør ha noko å fyre opp med. Eg har no smidd eit par eldstål som som kan hjelpe med dette. Herdetemperaturen må eg øve meir på, men dette blir bra.

 Sånn ser dei ut:






Alle kan ikkje være like. 

Det her blir bra, ser du. Eg har ein plan om å produsere ein del av desse. Det går ein del av dei både her og der, på det som er av jernaldermarknader. Men som tidlegare nevnt; herdinga må sitje skikkelig, og eg ser fram til å øve meir på det og å få det skikkelig til.















fredag 28. november 2014

Laminert knivblad (jernalder), 100 x 5mm

Prøvde ut ny framgangsmåte.

Eg hamra ut tangen til slutt.

Først laminering, så forme bladet og så tangen.

Vanlegvis lagar eg tangen før bladet.

Men dette fungerte bra òg.

Slipt litt, herding gjenstår.









onsdag 19. november 2014

Laminerte knivblad, øving.

Jadda, då var mesteparten av julegåvane unnagjort, og eg fekk endeleg tid til å øve på laminering.

Som tidlegare nevnt er det ikkje alltid like lett å ta bilder undervegs, men eg legg ut det eg har. Kanskje til og med med forklarande tekst.



Dette knivbladet var/er eg særs nøgd med.

Tjukkelse og form var/er nett sånn eg ville.

Men lamineringa var ikkje god nok i spissen, så ein bit knakk av.
Det nederste knivbladet (det krumme) må eg jobbe litt meir med. Eg må hamre til ny spiss og ta prosessen ein gong til. -Normalisere - file - herde - anløpe - slipe.


Fleire bilder av desse to knivblada vil komme. Dei skal anløpast, filast, slipast og få på skaft og fiksast slire til. Skal prøve å få dokumentert kvart steg.


Liten laminert slirekniv

Eg må øve mykje meir på essesveis/smisveis. Idag gjorde eg nett det, og resultatet blei nokså OK, om eg får si det sjølv.
Utfordringa er å få sveisinga til å sitje skikkelig ved å ha rett temperatur bl.a.
I tillegg bør tangen være fin og lett å jobbe inn i eit skaft.

Vanskelig å ta bilder undervegs, men eg gjorde no eit forsøk.

Kjapt bilde av lamineringsprosess.






Bladet er ca 6,5 cm langt og 0,7 cm tjukt i overgang til tange.

onsdag 5. november 2014

Gåver til jôl 2014.

Jadda, då er november her.
Jula er i anmarsj, som butikkane i all si ekstase har minna oss på no i 2 mnd allereie. Eg har bestemt meg for å lage så mykje som mogleg sjølv, og kjøpe minst mogleg. Ein grunn til dette er at eg hatar å shoppe, ein anna grunn er at eg liker godt å lage ting. + og + blir +, og sånn. Alt i alt er det eit enkelt valg.

MEN sida det no er såppass mange som er innpå her og kiker og les, kan eg ikkje leggje ut bilder av noko av dette. I alle fall ikkje enno.
I tillegg tenker eg det etter nyttår kan nyttast som eit slags "bytteforum". (F.eks om Knollesen (som bor i Tromsø) fekk 2 flasker mjød, men er innpå her i romjula og ser at Tottesen (Oslo) fekk ein lysestake i jern, som hadde sett heilt henrivande ut på stuebordet hans, kan han kontakte Tottesen og gjøre ein deal. Evt høyre om eg kan lage ein henrivande lysestake til han òg, så han slepp å sitje i myrkna å drikke mjød. Eller setje lyset rett på bordet, som vi andre ville gjort. Knollesen er ikkje nødvendigvis den skarpaste, mest praktiske kniven i skuffa. Han er kanskje ein kniv som er meir som brev-opnar å rekne. Praktisk til å opne brev, men ikkje stort anna. Og strengt tatt treng ingen noko brev-opnar. Spør du meg.)

Ref.
meg


Vær så god: sånn for syns skuld. Mmmmmm









lørdag 25. oktober 2014

Bursdagsgåve til far

Mor tipsa meg om eit par ting han far har nevnt vi treng/bør ha på hytta. Han hadde bursdag tidligare i uka, så eg såg mitt snitt.
Eg tenkte at det her er ein smal sak, og hamra i vei. Som vanleg. Slik blei det:



Ferdig knagg øvst, emnet i midten, blyant for str.forhold 




Maler knaggane svarte. 

onsdag 22. oktober 2014

Garving av skinn (hjort).

No er hjortejakta snart over, og vi har ein frysar full av hjorteskinn.
Desse krever litt behandling før dei kan nyttast til noko som helst, og eg begynte så smått på eine skinnet for to veker sidan.


-Trinn ein er å skrape vekk så mykje som mogleg av kjøttsida. Her kjem jobbmengda sjølvsagt an på kor god jobb han/ho gjorde som flådde dyret.

-Trinn to er å leggje skinnet i lut (her kan både oskelut og kjemisk lut brukast). Skinnet skal dekkast heilt av blandinga, og helst "rørast i" to gonger for dagen i mellom 3-7 dagar. Luten gjer at talg og kjøt (på kjøttsida) og håra og epidermis på pels-sida blir lettare å skrape vekk. Skinnet er klart til skraping når ein kan nappe av ein bunt hår utan å ta nevneverdig i.

-Trinn tre er siste del i hårfjerningsprosessen. Her skal begge sider skrapast reine for alt som ikkje er hud/skinn. Dvs talg, fett, hinner, hår, epidermis...

Her skrapast kjøttsida.

Enkel måte å "låse" skinnet for skraping.

Kar med lut (og avskrapa kjøt/talg).

Lite bilde av sjølvsmidd skrapekniv/jern i aksjon.

Hårsida skrapast.

Er ikkje ferdig før vi har rydda opp, si.

Per no ligg skinnet, ferdig skrapa, i frysaren. Neste prosess er å fette skinnet. Viss det er lov å si.
Her trengs hjernemasse. Gjerne masse. Om nokon har til overs er det bare å gje ein lyd.
Bilder kjem som vanleg sånn rett før du minst ventar det.

mandag 6. oktober 2014

Smidde skrapejern/ skrapeknivar

No er hjortejakta godt igang, og skinn drysser på greie frøkner og herrer. Vi har eit par hjorteskinn liggande på frys, i tillegg til nokre hjortebein. Hjortebeina skal brukast til sitt, og senene til sitt.
Men uansett, dette blir det mulig eit eige innlegg av.
No er det skinn det er snakk om. Og håra og epidermis skal skrapast av. Vi har ein skrapekniv i bein som vi fekk i gåve frå Kuttelo (steinaldergruppe frå Finland), men vi treng fleire verktøy, slik at fleire kan jobbe samstundes.

Desse jerna skal ikkje være skarpe (, men heller ikkje heilt butte) slik at dei ikkje øydelegger skinnet med kutt. Dei skal kun brukast til skraping.

Her er iallefall litt bilder av dagens produksjon.